[77] Dasahi bhikkhave asaddhammehi samannāgato kāko katamehi dasahi dhaṃsī ca pagabbho ca tintiṇo ca mahagghaso ca luddho ca akāruṇiko ca dubbalo ca oravī ca muṭṭhassati ca necayiko ca imehi kho bhikkhave dasahi asaddhammehi samannāgato kāko evameva Kho bhikkhave dasahi asaddhammehi samannāgato pāpabhikkhu katamehi dasahi dhaṃsī ca pagabbho ca tintiṇo ca mahagghaso ca luddho ca akāruṇiko ca dubbalo ca oravī ca muṭṭhassati ca necayiko ca imehi kho bhikkhave dasahi asaddhammehi samannāgato pāpabhikkhūti.