[๒๗๕] ๖ ติสฺโส อิมา ภิกฺขเว กามูปปตฺติโย กตมา ติสฺโส ปจฺจุปฏฺฐิตกามา นิมฺมานรติโน ปรนิมฺมิตวสวตฺติโน ฯ อิมา โข ภิกฺขเว ติสฺโส กามูปปตฺติโยติ ฯ ปจฺจุปฏฺฐิตกามา จ เย เทวา วสวตฺติโน นิมฺมานรติโน เทวา เย จญฺเญ กามโภคิโน อิตฺถภาวญฺญถาภาวํ กามโภเคสุ ปณฺฑิตา ๒ สพฺเพ ปริจฺจเช กาเม เย ทิพฺพา เย จ มานุสา ปิยรูปสาตคธิตํ เฉตฺวา โสตํ ทุรจฺจยํ อเสสํ ปรินิพฺพนฺติ อเสสํ ทุกฺขมชฺฌคุํ อริยทฺทสา เวทคุโน สมฺมทญฺญาย ปณฺฑิตา ชาติกฺขยมภิญฺญาย นาคจฺฉนฺติ ปุนพฺภวนฺติ ฯ ฉฏฺฐํ ฯ