[153] 7 Evamme sutaṃ . ekaṃ samayaṃ bhagavā sāvatthiyaṃ viharati jetavane anāthapiṇḍikassa ārāme . tena kho pana samayena bhagavā attano papañcasaññāsaṅkhāpahānaṃ paccavekkhamāno nisinno hoti . Atha kho bhagavā attano papañcasaññāsaṅkhāpahānaṃ viditvā tāyaṃ velāyaṃ imaṃ udānaṃ udānesi yassa papañcā dhiti ca natthi sandhānaṃ palighaṃ ca vītivatto na taṃ nitaṇhaṃ muniṃ carantaṃ nāvajānāti sadevakopi lokoti. Sattamaṃ.