[159] 2 Evamme sutaṃ . ekaṃ samayaṃ bhagavā sāvatthiyaṃ viharati jetavane anāthapiṇḍikassa ārāme. Tena kho pana samayena [1]- bhikkhūnaṃ nibbānapaṭisaṃyuttāya dhammiyā kathāya sandasseti samādapeti samuttejeti sampahaṃseti . te ca bhikkhū aṭṭhikatvā manasikatvā sabbañcetaso samannāharitvā ohitasotā dhammaṃ suṇanti . atha kho bhagavā etamatthaṃ viditvā tāyaṃ velāyaṃ imaṃ udānaṃ udānesi duddasaṃ anataṃ nāma na hi saccaṃ sudassanaṃ paṭividdhā taṇhā jānato passato natthi kiñcananti. Dutiyaṃ.