[208] 3 Vuttaṃ hetaṃ bhagavatā vuttamarahatāti me sutaṃ dveme bhikkhave dhammā tapanīyā katame dve idha bhikkhave ekacco akatakalyāṇo hoti akatakusalo akatabhīruttāṇo katapāpo kataluddho katakibbiso so akataṃ me kalyāṇantipi tappati kataṃ me pāpantipi tappati ime kho bhikkhave dve dhammā tapanīyāti . Etamatthaṃ bhagavā avoca. Tatthetaṃ iti vuccati kāyaduccaritaṃ katvā vacīduccaritāni vā Manoduccaritaṃ katvā yañcaññaṃ dosasañhitaṃ akatvā kusalakammaṃ katvānākusalaṃ bahuṃ kāyassa bhedā duppañño nirayaṃ so upapajjatīti. Ayampi attho vutto bhagavatā iti me sutanti. Tatiyaṃ.