[243] 6 Vuttaṃ hetaṃ bhagavatā vuttamarahatāti me sutaṃ tīṇīmāni bhikkhave sucaritāni katamāni tīṇi kāyasucaritaṃ vacīsucaritaṃ manosucaritaṃ . Imāni kho bhikkhave tīṇi sucaritānīti . etamatthaṃ bhagavā avoca . Tatthetaṃ iti vuccati kāyaduccaritaṃ hitvā vacīduccaritāni ca manoduccaritaṃ hitvā yañcaññaṃ dosasañhitaṃ Akatvākusalaṃ kammaṃ katvāna kusalaṃ bahuṃ kāyassa bhedā sappañño saggaṃ so upapajjatīti. Ayampi attho vutto bhagavatā iti me sutanti. Chaṭṭhaṃ.