[315] |315.665| 2 Sāmākaciṅgulakacīnakāni ca pattapphalaṃ mūlapphalaṃ gavipphalaṃ dhammena laddhaṃ satamassamānā na kāmakāmā alikaṃ bhaṇanti. |315.666| Yadassamāno sukataṃ suniṭṭhitaṃ parehi dinnaṃ payataṃ paṇītaṃ sālīnamannaṃ paribhuñjamāno so bhuñjasī kassapa āmagandhaṃ. |315.667| Na āmagandho mama kappatīti icceva tvaṃ bhāsati brahmabandhu sālīnamannaṃ paribhuñjamāno sakuntamaṃsehi susaṅkhatehi. Pucchāmi taṃ kassapa etamatthaṃ kathaṃpakāro tava āmagandho |315.668| pāṇātipāto vadhachedabandhanaṃ theyyaṃ musāvādo nikatī vañcanāni ca ajjhenakuttaṃ paradārasevanā esāmagandho na hi maṃsabhojanaṃ. Esāmagandho na hi maṃsabhojanaṃ. |315.674| Etesu giddhā viruddhātipātino niccuyyutā pecca tamaṃ vajanti ye patanti sattā nirayaṃ avaṃsirā esāmagandho na hi maṃsabhojanaṃ. |315.675| Na macchamaṃsaṃ nānāsakattaṃ na naggiyaṃ (na muṇḍiyaṃ jaṭā jallaṃ kharājināni) nāggihutassupasevanā ye vāpi loke amarā bahū tapā mantāhutī yaññamutūpasevanā sodhenti maccaṃ avitiṇṇakaṅkhaṃ. |315.676| Yo tesu gutto viditindriyo care dhamme ṭhito ajjavamaddave rato saṅgātigo sabbadukkhappahīno na limpati diṭṭhasutesu dhīro. |315.677| Iccetamatthaṃ bhagavā punappunaṃ akkhāsi naṃ vedayi mantapāragū citrāhi gāthāhi munippakāsayi nirāmagandho asito durannayo. |315.678| Sutvāna buddhassa subhāsitaṃ padaṃ Nirāmagandhaṃ sabbadukkhappanudaṃ nīcamano vandi tathāgatassa tattheva pabbajjamarocayitthāti. Āmagandhasuttaṃ dutiyaṃ. ---------