[245] 8 Vuttaṃ hetaṃ bhagavatā vuttamarahatāti me sutaṃ tīṇimāni bhikkhave moneyyāni katamāni tīṇi kāyamoneyyaṃ vacīmoneyyaṃ manomoneyyaṃ . imāni kho bhikkhave tīṇi moneyyānīti . etamatthaṃ bhagavā avoca. Tatthetaṃ iti vuccati kāyamuniṃ vācāmuniṃ manomunimanāsavaṃ muniṃ moneyyasampannaṃ āhu ninhātapāpakanti . Ayampi attho vutto bhagavatā iti me sutanti. Aṭṭhamaṃ.