[252] 5 Vuttaṃ hetaṃ bhagavatā vuttamarahatāti me sutaṃ tayome bhikkhave puttā santo saṃvijjamānā lokasmiṃ katame tayo atijāto anujāto avajātoti. Putto ca nesaṃ hoti buddhaṃ saraṇaṃ gato dhammaṃ saraṇaṃ gato saṅghaṃ saraṇaṃ gato pāṇātipātā paṭivirato adinnādānā paṭivirato kāmesu micchācārā paṭivirato musāvādā paṭivirato surāmeraya- majjapamādaṭṭhānā paṭivirato sīlavā kalyāṇadhammo evaṃ kho bhikkhave putto anujāto hoti. Putto ca nesaṃ hoti na buddhaṃ saraṇaṃ gato na dhammaṃ saraṇaṃ gato na saṅghaṃ saraṇaṃ gato pāṇātipātā appaṭivirato adinnādānā appaṭivirato kāmesu micchācārā appaṭivirato musāvādā appaṭivirato surāmerayamajjapamādaṭṭhānā appaṭivirato dussīlo pāpadhammo evaṃ kho bhikkhave putto avajāto hoti . ime kho bhikkhave tayo puttā santo saṃvijjamānā lokasminti . etamatthaṃ bhagavā avoca. Tatthetaṃ iti vuccati atijātaṃ anujātaṃ puttamicchanti paṇḍitā avajātaṃ na icchanti yo hoti kulagandhano. Ete kho puttā lokasmiṃ ye ca bhavanti upāsakā saddhāsīlena sampannā vadaññū vītamaccharā cando abbhaghanā mutto parisāsu virocareti. Ayampi attho vutto bhagavatā iti me sutanti. Pañcamaṃ.