[343] |343.355| 9 Olaggissāmi te cittaṃ āṇidvāreva hatthinaṃ na taṃ pāpe niyojissaṃ kāmajālaṃ sarīrajaṃ . |343.356| Tvaṃ olaggo na gacchasi dvāravivaraṃ gajova alabhanto na ca cittakali punappunaṃ pasahaṃ pāparato carissasi. |343.357| Yathā kuñjaraṃ adantaṃ navaggahaṃ aṅkusaggaho balavā āvatteti akāmaṃ evaṃ āvattayissantaṃ. |343.358| Yathā varahayadamakusalo sārathi pavaro dameti ājaññaṃ evaṃ damayissantaṃ patiṭṭhito pañcasu balesu. |343.359| Satiyā taṃ nibandhissaṃ payatatto te damissāmi viriyadhuraniggahito nayito Dūraṃ gamissase cittāti. Vijitaseno thero.