[440] |440.72| 2 Mattā vaṇṇena rūpena sobhaggena yasena ca yobbanena cupatthaddhā aññā samatimaññihaṃ. |440.73| Vibhūsetvā imaṃ kāyaṃ sucittaṃ bālalāpanaṃ aṭṭhāsiṃ vesidvāramhi luddo pāsamivoṭṭiyā . |440.74| Pilandhanaṃ vidassentī guyhaṃ pakāsitaṃ bahuṃ akāsiṃ vividhaṃ māyaṃ ujjagghantī bahuṃ janaṃ. |440.75| Sājja piṇḍaṃ caritvāna muṇḍā saṅghāṭipārutā nisinnā rukkhamūlamhi avitakkassa lābhinī. |440.76| Sabbe yogā samucchinnā ye dibbā ye ca mānusā khepetvā āsave sabbe sītibhūtamhi nibbutā. Vimalā purāṇagaṇikā.