[114] |114.430| 4 Bhūsāni eko sāliṃ punāparo ayañca nārī sakamaṃsalohitaṃ Tvañca gūthaṃ asuciṃ akantaṃ paribhuñjasi kissa ayaṃ vipākoti. |114.431| Ayaṃ pure mātaraṃ hiṃsati ayaṃ pana kūṭavāṇijo ayaṃ maṃsāni khāditvā musāvādena vañceti. |114.432| Ahaṃ manussesu manussabhūtā agārinī sabbakulassa issarā. Santesu parigūyhāmi mā ca kiñci ito adaṃ |114.433| musāvādena chādemi natthi etaṃ mama gehe sace santaṃ parigūyhāmi gūthaṃ me hotu bhojanaṃ. |114.434| Tassa kammavipākena musāvādassa cūbhayaṃ sugandhasālino bhattaṃ gūthaṃ me parivattati. |114.435| Avajjāni ca kammāni na hi kammaṃ vinassati duggandhaṃ kimīnaṃ mīḷhaṃ bhuñjāmi ca pivāmi cāti. Bhusapetavatthu catutthaṃ.