[325] |325.275| 3 Pare ca na vijānanti mayamettha yamāmhase ye ca tattha vijānanti tato sammanti medhagā. |325.276| Yadā ca avijānantā iriyantyamarā viya vijānanti ca ye dhammaṃ āturesu anāturā. |325.277| Yaṅkiñci sithilaṃ kammaṃ saṅkiliṭṭhañca yaṃ vataṃ saṅkassaraṃ brahmacariyaṃ na taṃ hoti mahapphalaṃ. |325.278| Yassa sabrahmacārīsu gāravo nūpalabbhati ārakā hoti saddhammā nabhaṃ paṭhaviyā yathāti. Sabhiyo thero.