[332] |332.303| 10 Dhammo have rakkhati dhammacāriṃ dhammo suciṇṇo sukhamāvahāti esānisaṃso dhamme suciṇṇe na duggatiṃ gacchati dhammacārī. |332.304| Na hi dhammo adhammo ca ubho samavipākino Adhammo nirayaṃ neti dhammo pāpeti sugatiṃ . |332.305| Tasmā hi dhammesu kareyya chandaṃ iti modamāno sugatena tādinā dhamme ṭhitā sugatavarassa sāvakā niyyanti dhīrā saraṇavaraggagāmino. |332.306| Vipphoṭito gaṇḍamūlo taṇhājālo samūhato. So khīṇasaṃsāro na catthi kiñcanaṃ cando yathā dosināpuṇṇamāsiyāti . Dhammiko thero.