[442] |442.82| 4 Āturaṃ asuciṃ pūtiṃ passa nande samussayaṃ asubhāya cittaṃ bhāvehi ekaggaṃ susamāhitaṃ. |442.83| Yathā idaṃ tathā etaṃ yathā etaṃ tathā idaṃ duggandhaṃ pūtikaṃ vāti bālānaṃ abhinanditaṃ. |442.84| Evametaṃ avekkhantī rattindivamatanditā tato sakāya paññāya abhinibbijja dakkhisaṃ. |442.85| Tassā me appamattāya vicinantiyā yoniso yathābhūtaṃ ayaṃ kāyo diṭṭho santarabāhiro. |442.86| Atha nibbindahaṃ kāye ajjhattañca virajjahaṃ appamattā visaṃyuttā upasantamhi nibbutā. Nandā .