[448] |448.112| 10 Naṅgalehi kasaṃ khettaṃ bījāni pavapaṃ chamā puttadārāni posentā dhanaṃ vindanti māṇavā. |448.113| Kimahaṃ sīlasampannā satthu sāsanakārikā nibbānaṃ nādhigacchāmi akusītā anuddhatā. |448.114| Pāde pakkhālayitvāna udakesu karomahaṃ Pādodakañca disvāna thalato ninnamāgataṃ tato cittaṃ samādhesiṃ asso bhadrova jāniyo. |448.115| Tato dīpaṃ gahetvāna vihāraṃ pāvisiṃ ahaṃ seyyaṃ olokayitvāna mañcakamhi upāvisiṃ. |448.116| Tato sūciṃ gahetvāna vaṭṭiṃ okassayāmahaṃ pajjotasseva nibbānaṃ vimokkho ahu cetaso. Paṭācārā.