[471] |471.338| 5 Daharāhaṃ suddhavasanā yaṃ pure dhammamassuṇiṃ tassā me appamattāya saccābhisamayo ahu. |471.339| Tatohaṃ sabbakāmesu bhusaṃ aratimajjhagaṃ sakkāyasmiṃ bhayaṃ disvā nekkhammasseva pihaye. Evaṃ saddhāya nikkhamma saddhamme suppavedite |471.342| na me taṃ assa paṭirūpaṃ ākiñcaññaṃ hi patthaye yā jātarūparajataṃ ṭhapetvā punarāgame. |471.343| Rajataṃ jātarūpaṃ vā natthetassapi santiyā na etaṃ samaṇasāruppaṃ na etaṃ ariyadhanaṃ. |471.344| Lobhanaṃ madanaṃ cetaṃ samohanaṃ rajabandhanaṃ sāsaṅkaṃ bahuāyāsaṃ natthi cettha dhuvaṃ ṭhiti. |471.345| Ettāvatā pamattā ca saṅkiliṭṭhamanā narā aññamaññena byāruddhā puthu kubbanti medhagaṃ. |471.346| Vadho bandho parikleso jāni sokapariddavo kāmesu adhipannānaṃ dissate byasanaṃ bahuṃ. |471.347| Taṃ maṃñātī amittāva kiṃ maṃ kāmesu yuñjatha jānātha maṃ pabbajitaṃ kāmesu bhayadassiniṃ. |471.348| Na hiraññasuvaṇṇena parikkhīyanti āsavā amittā vadhakā kāmā sapattā sallabandhanā. Subhā kammāradhītā. Vīsatinipāto samatto. ----------------