[51] |51.623| 1 Ko me vandati pādāni iddhiyā yasasā jalaṃ abhikkantena vaṇṇena sabbā obhāsayaṃ disāti. |51.624| Maṇḍukohaṃ pure āsiṃ udake vārigocaro tava dhammaṃ suṇantassa avadhi vacchapālako |51.625| Muhuttaṃ cittapasādassa iddhiṃ passa yasañca me ānubhāvañca me passa vaṇṇaṃ passa jutiñca me |51.626| ye ca te dīghamaddhānaṃ dhammaṃ assosuṃ gotama pattā te acalaṭṭhānaṃ yattha gantvā na socareti. Maṇḍukadevaputtavimānaṃ paṭhamaṃ.