[๕๖๒] สตฺต เม โรหิตา มจฺฉา อุทกา ถลมุพฺภตา อิทํ พฺราหฺมณ เม อตฺถิ เอตํ ภุตฺวา วเน วส ฯ

[๕๖๓] ทุสฺส เม เขตฺตปาลสฺส รตฺตึ ภตฺตํ อปาภตํ มํสสูลา จ เทฺว โคธา เอกญฺจ ทธิวารกํ อิทํ พฺราหฺมณ เม อตฺถิ เอตํ ภุตฺวา วเน วส ฯ

[๕๖๔] อมฺพปกฺกํ ๑ ทกํ สีตํ สีตจฺฉายํ ๒ มโนรมํ อิทํ พฺราหฺมณ เม อตฺถิ เอตํ ภุตฺวา วเน วส ฯ

[๕๖๕] น สสสฺส ติลา อตฺถิ น มุคฺคา นปิ ตณฺฑุลา อิมินา อคฺคินา ปกฺกํ มมํ ภุตฺวา วเน วสาติ ฯ สสปณฺฑิตชาตกํ ฉฏฺฐํ ฯ