[๘๑๘] สพฺพํ ภณฺฑํ สมาทาย ปารํ ติณฺโณสิ พฺราหฺมณ ปจฺจาคจฺฉ ลหุํ ขิปฺปํ มมฺปิ ตาเรหิทานิ โภ ๔ ฯ

[๘๑๙] อสนฺถุตํ มํ จิรสนฺถุเตน นิมินิ ๕ โภตี อธุวํ ๖ ธุเวน มยาปิ โภตี นิมิเนยฺย อญฺญํ อิโต อหํ ทูรตรํ คมิสฺสํ ฯ

[๘๒๐] กายํ เอฬคณิคุมฺเพ ๗ กโรติ อหุหาสิยํ นยิธ นจฺจํ วา คีตํ วา ตาลํ วา สุสมาหิตํ อนมฺหิกาเล ๘ สุสฺโสณิ กินฺนุ ชคฺฆสิ โสภเน ฯ

[๘๒๑] สิคาล พาล ทุมฺเมธ อปฺปปญฺโญสิ ชมฺพุก ชินฺโน ๑ มจฺฉญฺจ เปสิญฺจ กปโณ วิย ฌายสิ ฯ