[๑๘๙๑] อุกฺกา มิลาจา ๒ พนฺธนฺติ ทีเป ปชา มม ขาทิตุํ ปตฺถยนฺติ มิตฺตํ สหายญฺจ วเทหิ เสนก อาจิกฺข ญาติพฺยสนํ ทิชานํ ฯ

[๑๘๙๒] ทิโช ทิชานํ ปวโรสิ ปกฺขิ จ ๓ อุกฺกุสราช สรณํ ตํ อุเปมิ ๔ ปชา มม ขาทิตุํ ปตฺถยนฺติ ลุทฺทา มิลาจา ๕ ภว เม สุขาย ฯ

[๑๘๙๓] มิตฺตํ สหายญฺจ กโรนฺติ ปณฺฑิตา กาเล อกาเล สุขเมสมานา กโรมิ เต เสนก เอตมตฺถํ อริโย หิ อริยสฺส กโรติ กิจฺจํ ฯ

[๑๘๙๔] ยํ โหติ กิจฺจํ อนุกมฺปเกน อริยสฺส อริเยน กตํ ตยิทํ อตฺตานุรกฺขี ภว มา อฑยฺหิ ลจฺฉาม ปุตฺเต ตยิ ชีวมาเน ฯ