[๘๔๓] ปงฺโก จ กามา ปลิโป จ กามา ภยญฺจ เมตํ ติมูลํ ปวุตฺตํ รโช จ ธูโม จ มยา ปกาสิตา หิตฺวา ตุวํ ปพฺพช พฺรหฺมทตฺต ฯ

[๘๔๔] คธิโต ๔ จ รตฺโต จ อธิมุจฺฉิโต จ กาเมสฺวาหํ ๕ พฺราหฺมณ ภึสรูปํ ตํ นุสฺสเห ชีวิกตฺโถ ปหาตุํ กาหามิ ปุญฺญานิ อนปฺปกานิ ฯ

[๘๔๕] โย อตฺถกามสฺส หิตานุกมฺปิโน โอวชฺชมาโน น กโรติ สาสนํ อิทเมว เสยฺโย อิติ มญฺญมาโน ปุนปฺปุนํ คพฺภมุเปติ มนฺโท ฯ

[๘๔๖] โส โฆรรูปํ นิรยํ อุเปติ สุภาสุภํ มุตฺตกรีสปูรํ สตฺตา สกาเย น ชหนฺติ คิทฺธา เย โหนฺติ กาเมสุ อวีตราคา ฯ