[๑๖๒๙] โยเทวายํ ๔ ทกฺขิณายํ ทิสายํ เขมํ ปฏิกฺโกสติ ๕ ตสฺส สจฺจํ น อุตฺตโร เวทิ ภยาภยสฺส มา เภถ กึ โสจถ โมทถโวฺห ฯ

[๑๖๓๐] ยถา อิเม วิปฺปวทนฺติ ยกฺขา เอโก ภยํ สํสติ เขมเมโก ตทิงฺฆ มยฺหํ วจนํ สุณาถ ขิปฺปํ ลหุํ มา วินสิมฺห ๑ สพฺเพ ฯ

[๑๖๓๑] สพฺเพ สมาคมฺม กโรม นาวํ โทณึ ทฬฺหํ สพฺพยนฺตูปปนฺนํ สเจ อยํ ทกฺขิโณ สจฺจมาห โมฆํ ปฏิกฺโกสติ อุตฺตโรยํ ฯ

[๑๖๓๒] สา เจว โน โหหิติ อาปทตฺถา อิมญฺจ ทีปํ น ปริจฺจเชม สเจ จ โข อุตฺตโร สจฺจมาห โมฆํ ปฏิกฺโกสติ ทกฺขิโณยํ ฯ