[๑๖๓๓] ตเมว นาวํ อภิรุยฺห สพฺเพ เอวํ มยํ โสตฺถิ ตเรมุ ปารํ น เว สุคณฺหํ ปฐเมน เสฏฺฐํ กนิฏฺฐมาปาถคตํ คเหตฺวา โย จีธ มชฺฌํ ๒ ปวิเจยฺย คณฺหติ สเว นโร เสฏฺฐมุเปติ ฐานํ ฯ

[๑๖๓๔] ยถาปิ เต สาครวาริมชฺเฌ สกมฺมุนา โสตฺถิ วหึสุ วาณิชา อนาคตตฺถํ ปฏิวิชฺฌิยาน อปฺปมฺปิ นาจฺเจติ จ ๓ ภูริปญฺโญ ฯ

[๑๖๓๕] พาลา จ โมเหน รสานุคิทฺธา อนาคตํ อปฺปฏิวิชฺฌิยตฺถํ ปจฺจุปฺปนฺเน สีทนฺติ อตฺถชาเต สมุทฺทมชฺเฌ ยถา เต มนุสฺสา ฯ

[๑๖๓๖] อนาคตํ ปฏิกยิราถ กิจฺจํ มา มํ กิจฺจํ กิจฺจกาเล พฺยเธสิ ตํ ตาทิสํ ปฏิกตกิจฺจการึ น ตํ กิจฺจํ กิจฺจกาเล พฺยเธสีติ ฯ สมุทฺทวาณิชชาตกํ ตติยํ ฯ