[๑๗๖๘] วิสํ มา ปฏิเสวิตฺถ ๕ ปปาตํ ปริวชฺชย ปงฺเก จ มา วิสีทิตฺโถ ยตฺโต อาสีวิเส ๖ จเร ฯ

[๑๗๖๙] กินฺนุ วิสํ ปปาโต วา ปงฺโก วา พฺรหฺมจารินํ กํ ตฺวํ อาสีวิสํ พฺรูหิ ตํ เม อกฺขาหิ ปุจฺฉิโต ฯ

[๑๗๗๐] อาสโว ตาต โลกสฺมึ สุรา นาม ปวุจฺจติ มนุญฺญา ๗ สุรภี วคฺคู มธุขุทฺทรสูปมา ๘ วิสํ ตทาหุ อริยา พฺรหฺมจริยสฺส นารท ฯ

[๑๗๗๑] อิตฺถิโย ตาต โลกสฺมึ ปมตฺตํ ปมเถนฺติ ตา ผรนฺติ มุนิโน ๑ จิตฺตํ ตูลํ ภฏฺฐํว มาลุโต ปปาโต เอส อกฺขาโต พฺรหฺมจริยสฺส นารท ฯ