[๒๔๓๕] เอวํ ขชฺชตุ ปญฺจาโล หโต ยุทฺเธ สปุตฺตโก ยถาหมชฺช ขชฺชามิ คามิเกหิ ๑ อรญฺญโช ฯ

[๒๔๓๖] น สพฺพภูเตสุ วิเธนฺติ รกฺขํ ราชาโน มณฺฑูก มนุสฺสโลเก เนตฺตาวตา ราชา อธมฺมจารี ยํ ตาทิสํ ชีวมเทยฺยุ ธงฺกา ฯ

[๒๔๓๗] อธมฺมรูโป วต พฺรหฺมจารี อนุปฺปิยํ ภาสสิ ขตฺติยสฺส วิลุมฺปมานาย ปุถุปฺปชาย ปูเชสิ ราชํ ปรมปฺปวาทึ ๒ ฯ สเจ อิทํ พฺรเหฺม สุรชฺชกํ สิยา ผีตํ รฏฺฐํ มุทิตํ วิปฺปสนฺนํ ภุตฺวา พลึ อคฺคปิณฺฑญฺจ กากา น มาทิสํ ชีวมเทยฺยุ ธงฺกาติ ฯ ภณฺฑุติณฺฑุกชาตกํ ทสมํ ฯ ____________ ตสฺสุทฺทานํ กึฉนฺท กุมฺภ ชยทฺทิส ฉทฺทนฺต อถ ปณฺฑิตสมฺภว สีรกปิ ทกรกฺขส ปณฺฑรนาควโร อถ สมฺพุล ติณฺฑุกเทวสุโต ฯ ตึสตินิปาตํ นิฏฺฐิตํ ฯ ___________ จตฺตาลีสนิปาตชาตกํ