[499] Parapāṇaghāte jīvanto maṃsalohitabhojano bako vataṃ samādāya upapajji uposathaṃ.

[500] Tassa sakko vataññāya ajarūpenupāgami vītatapo ajjhapatto bhañji lohitapo tapaṃ.

[501] Evameva idhekacco samādānasmi dubbalo lahuṃ karoti attānaṃ bakova ajakāraṇāti. Bakajātakaṃ dasamaṃ. Kumbhavaggo pañcamo. Tassuddānaṃ varakumbha supattasirivhayano sucisammata bindussaro cusabho saritaṃpati caṇḍī jarākapinā atha makkaṭiyā vakakena dasāti. -------- Vagguddānaṃ saṅkappo padumo ceva udapānena tatiyaṃ abbhantaraṃ ghaṭabhedaṃ tikanipātamhilaṅkataṃ . Tikanipātaṃ niṭṭhitaṃ. --------