[506] Adeyyesu dadaṃ dānaṃ deyyesu nappavecchati āpāsu byasanaṃ patto sahāyaṃ nādhigacchati.

[507] Adeyyesu adadaṃ dānaṃ deyyesu yo pavecchati āpāsu byasanaṃ patto sahāyaṃ adhigacchati.

[508] Saññogasambhoga visesadassanaṃ anariyadhammesu saṭhesu nassati katañca ariyesu ca añjasesu mahapphalaṃ hoti aṇumpi tādisu.

[509] Yo pubbe katakalyāṇo akā loke sudukkaraṃ pacchā kayirā na vā kayirā accantaṃ pūjanārahoti. Mahāassārohajātakaṃ dutiyaṃ. ----------