[530] Akaramhāva te kiccaṃ yaṃ balaṃ ahuvamhase migarāja namo tyatthu api kiñci labhāmase.

[531] Mama lohitabhakkhassa niccaṃ luddāni kubbato dantantaragato santo taṃ bahuṃ yampi jīvasi.

[532] Akataññumakattāraṃ katassa appaṭikārakaṃ yasmiṃ kataññutā natthi niratthā tassa sevanā.

[533] Yattha sammukhaciṇṇena mittadhammo na labbhati anussūyamanakkosaṃ saṇikaṃ tamhā apakkameti. Javasakuṇajātakaṃ aṭṭhamaṃ.