[546] Api kassapa mandiyā yuvā sapati hanti vā sabbantaṃ khamate dhīro paṇḍito taṃ titikkhati.

[547] Sacepi santo vivadanti khippaṃ sandhiyare puna bālā pattāva bhijjanti na te samathamajjhagū.

[548] Ete bhiyyo samāyanti sandhi tesaṃ na jīrati yo cādhipannaṃ jānāti yo ca jānāti desanaṃ.

[549] Eso hi uttaritaro bhārāvaho dhurandharo Yo paresādhipannānaṃ sayaṃ sandhātumarahatīti. Kassapamandiyajātakaṃ dutiyaṃ.