[558] Pharusā vata te vācā maṃsaṃ yācanako asi kilomasadisī vācā kilomaṃ samma dammi te.

[559] Aṅgametaṃ manussānaṃ bhātā loke pavuccati aṅgassa sadisī vācā aṅgaṃ samma dadāmi te.

[560] Tātāti putto vadamāno kampeti hadayaṃ pitu hadayassa sadisī vācā hadayaṃ samma dammi te.

[561] Yassa gāme sakhā natthi yathāraññaṃ tatheva taṃ sabbassa sadisī vācā sabbaṃ samma dadāmi teti. Maṃsajātakaṃ pañcamaṃ.