[566] Matamatameva rodatha na hi taṃ rodatha yo marissati sabbeva sarīradhārino anupubbena jahanti jīvitaṃ.

[567] Devā manussā catuppadā pakkhigaṇā uragā ca bhogino yamhi sarīre anissarā ramamānāva jahanti jīvitaṃ.

[568] Evaṃ calitaṃ asaṇṭhitaṃ sukhadukkhaṃ manujesu apekkhiyaṃ kanditaṃ ruṇataṃ niratthakaṃ kiṃ vo sokagaṇābhikīrare.

[569] Dhuttā soṇḍā ca akatā bālā sūrā [8]- ayogino dhīraṃ maññanti bāloti ye dhammassa akovidāti. Matarodanajātakaṃ sattamaṃ. ---------