[578] Succajaṃ vata naccaji vācāya adadaṃ giriṃ kiñci tassa cajantassa vācāya adadaṃ pabbataṃ.

[579] Yañhi kayirā tañhi vade yaṃ na kayirā na taṃ vade akarontaṃ bhāsamānaṃ parijānanti paṇḍitā.

[580] Rājaputta namo tyatthu sacce dhamme ṭhitovasi yassa te byasanaṃ patto saccasmiṃ ramate mano.

[581] Yā daliddī daliddassa aḍḍhā aḍḍhassa kittimā sā hissa paramā bhariyā sahiraññassa itthiyoti. Succajajātakaṃ dasamaṃ. Pucimandavaggo dutiyo. --------- Tassuddānaṃ atha cora sakassapa khantivaro dujjīvitatā ca varā pharusā Atha sasa mataṃ ca vasanta sukhaṃ succajaṃvatanaccajinā ca dasa.