[658] Adāsi dānāni pure visayha dadato ca te khayadhammo ahosi ito parañce na dadeyya dānaṃ tiṭṭheyyuṃ te saṃyamantassa bhogā.

[659] Anariyamariyena sahassanetta suduggatenāpi akiccamāhu mā vo dhanaṃ taṃ ahu vā janinda yaṃ bhogahetu vijahemu saddhaṃ.

[660] Yena eko ratho yāti yāti tena paro ratho porāṇaṃ nihitaṃ vattaṃ vattataññeva vāsava .

[661] Yadi hessati dassāma asante kiṃ dadāmhase evaṃ bhūtāpi dassāma mā dānaṃ pamadāmhaseti. Visayhajātakaṃ dasamaṃ. Kokilavaggo catuttho. --------- Tassuddānaṃ ativelaṃ pabhāsati jinavaro vanamajjhe rathesabha jimhagamo atha jambu tiṇāsanapīṭhavaraṃ atha taṇḍulaṃ mora visayha dasa.