[712] Nayidaṃ niccaṃ bhavitabbaṃ brahmadatta khemaṃ subhikkhaṃ sukhatā ca kāye atthaccaye mā ahu sampamūḷho bhinnaplavo sāgarasseva majjhe.

[713] Yāni karoti puriso tāni attani passati kalyāṇakārī kalyāṇaṃ pāpakārī ca pāpakaṃ yādisaṃ vapate bījaṃ tādisaṃ ruhate phalaṃ.

[714] Idaṃ tadācariyavaco pārācariyo yadabravi māssu tvaṃ akari pāpaṃ yantaṃ pacchā kataṃ tape.

[715] Ayameva so piṅgiyo venasākho Yamhi ghātayiṃ khattiyānaṃ sahassaṃ alaṅkate candanasāralitte tameva dukkhaṃ paccāgataṃ mamaṃ.