[727] Eko araññe girikandarāyaṃ paggayha mahantaselaṃ pavejjhasi punappunaṃ santaramānarūpo kārandiya konu tavayidhattho.

[728] Ahañhimaṃ sāgarasevitantaṃ samaṃ karissāmi yathāpi pāṇiṃ vikīriya sānūni ca pabbatāni [6]- tasmā selaṃ kandarāyaṃ pakkhipāmi.

[729] Nayimaṃ mahiṃ arahati pāṇikappaṃ samaṃ manusso karaṇāyameko maññāmi maññeva dariṃ jigiṃsaṃ Kārandiya hāyasi jīvalokaṃ.

[730] Sace ayaṃ bhūtadharaṃ na sakko samaṃ manusso karaṇāyameko evameva tvaṃ brahme ime manusse nānādiṭṭhike nānayissasi te.