[1035] Dvāsattati gotama puññakammā Vasavattino jātijaraṃ atītā ayamantimā vedagū brahmupapatti asmābhijappanti janā anekā.

[1036] Appañca hetaṃ na hi dīghamāyu yaṃ tvaṃ baka maññasi dīghamāyuṃ sataṃ sahassāna nirabbudānaṃ āyuṃ pajānāmi tavāha brahme.

[1037] Anantadassī bhagavāhamasmi jātijjaraṃ sokamupātivatto kiṃ me purāṇaṃ vatasīlavattaṃ ācikkha metaṃ yamahaṃ vijaññaṃ.

[1038] Yaṃ tvaṃ apāyesi bahū manusse pipāsite ghammani samparete tante purāṇaṃ vatasīlavattaṃ suttappabuddhova anussarāmi.