[1274] Kāsāyavatthe sakuṇe vadāmi duve duve nandamane carante kaṃ aṇḍajaṃ aṇḍajamānusesu jātiṃ pasaṃsanti tadiṅgha brūtha.

[1275] Amhe manussesu manussahiṃsa anubbate cakkavāke vadanti kalyāṇabhāvamhe dijesu sammatā (abhītarūpā vicarāma aṇṇave) na ghāsahetupi karoma pāpaṃ .

[1276] Kiṃ aṇṇave kāni phalāni bhuñje maṃsaṃ kuto khādatha cakkavākā kiṃ bhojanaṃ bhuñjatha vo anomā Balañca vaṇṇo ca anapparūpo .

[1277] Na aṇṇave santi phalāni dhaṅka maṃsaṃ kuto khādituṃ cakkavāke sevālabhakkhamha apāṇabhojanā (na ghāsahetupi karoma pāpaṃ) abhītarūpā vicarāma aṇṇave .