[1649] Dasa khalumāni ṭhānāni yāni pubbe akaritvā sa pacchā anutappati iccāha rājā janasandho .

[1650] Aladdhā vittaṃ tapati pubbe asamudānitaṃ na pubbe dhanamesissaṃ iti pacchānutappati.

[1651] Sakyarūpaṃ pure santaṃ mayā sippaṃ na sikkhitaṃ kicchā vutti asippassa iti pacchānutappati.

[1652] Kūṭavedī pure āsiṃ pisuṇo piṭṭhimaṃsiko caṇḍo ca pharuso cāsiṃ iti pacchānutappati.