[1686] Yesaṃ na kadāci bhūtapubbaṃ sakhi sattapadampi imasmiṃ loke jātā amittā dve sahāyā paṭisanthāya caranti kissa hetu.

[1687] Yadi me ajja pātarāsakāle pañhaṃ na sakkuṇātha vattumetaṃ raṭṭhā pabbājayissāmi vo sabbe na hi mamattho duppaññajātikehi.

[1688] Mahājanasamāgamamhi ghore janakolāhalasaṅgamamhi jāte vikkhittamanā anekacittā pañhaṃ na sakkuṇoma vattumetaṃ.

[1689] Ekaggacittāva ekamekā rahasi gatā atthāni cintayitvā paviveke sammasitvāna dhīrā atha vakkhanti janinda etamatthaṃ.