[1921] Assaṃ gavaṃ rajataṃ jātarūpaṃ bhariyañca so idha labhataṃ manāpaṃ puttehi dārehi samaṅgi hotu bhisāni te brāhmaṇa yo ahāsi.

[1922] Mālañca so kāsikacandanañca dhāretu puttassa bahū bhavantu kāmesu tibbaṃ kurutaṃ apekkhaṃ bhisāni te brāhmaṇa yo ahāsi.

[1923] Pahūtadhañño kasimā yasassī putte gihī dhanimā sabbakāme vayaṃ apassaṃ gharamāvasātu bhisāni te brāhmaṇa yo ahāsi.

[1924] So khattiyo hotu pasayhakārī rājādhirājā balavā yasassī Sa cāturantaṃ mahimāvasātu bhisāni te brāhmaṇa yo ahāsi.