[448] Varaṃ varaṃ tvaṃ nihanaṃ pure cari asmiṃ padese abhibhuyya sūkare sodāni eko byaggha pagamma jhāyasi balannu te byaggha na cajja vijjati.

[449] Imassutā yanti disodisaṃ pure bhayaddhitā leṇagavesino puthū tedāni saṅgamma vasanti ekato yatthaṭṭhitā duppasahajjime mayā.

[450] Namatthu saṅghāna samāgatānaṃ disvā sayaṃ saṃkhya vadāmi abbhutaṃ byagghaṃ migā yattha jiniṃsu dāṭhino sāmaggiyā dāṭhabalesu muccareti. Vaḍḍhakīsūkarajātakaṃ tatiyaṃ.