[463] Agghanti macchā adhikaṃ sahassaṃ na so atthi yo imaṃ saddaheyya mayhañca assū idha satta māsā ahampi taṃ macchadānaṃ kiṇeyyaṃ.

[464] Macchānaṃ bhojanaṃ datvā mama dakkhiṇamādisi taṃ dakkhiṇaṃ sarantiyā kataṃ apacitiṃ tayā.

[465] Paduṭṭhacittassa na phāti hoti na cāpi naṃ devatā pūjayanti yo bhātaraṃ pettikaṃ sāpateyyaṃ avañcayī dukkaṭakammakārīti. Macchadānajātakaṃ aṭṭhamaṃ.