[526] Acetanaṃ brāhmaṇa assuṇantaṃ jāno ajānantamimaṃ palāsaṃ āraddhavīriyo dhuvamappamatto Sukhaseyyaṃ pucchasi kissa hetu.

[527] Dūre suto ceva brahā ca rukkho dese ṭhito bhūtanivāsarūpo tasmā namassāmi imaṃ palāsaṃ ye cettha bhūtā te dhanassa hetu.

[528] So te karissāmi yathānubhāvaṃ kataññutaṃ brāhmaṇa pekkhamāno kathaṃ hi āgamma sataṃ sakāse moghā te assu pariphanditāni.

[529] Yo tindurukkhassa paro pilakkho parivārito pubbayañño uḷāro tasseva mūlasmi nidhi nikhāto adāyādo gaccha naṃ uddharāhīti. Palāsajātakaṃ sattamaṃ.