[542] Uṭṭhehi cora kiṃ sesi ko attho supanena te Mā taṃ gahesu rājāno gāme kibbisakārakaṃ.

[543] Nanu coraṃ gahessanti gāme kibbisakārakaṃ kiṃ tattha pucimandassa vane jātassa tiṭṭhato.

[544] Na tvaṃ assattha jānāsi mama corassa cantaraṃ coraṃ gahetvā rājāno gāme kibbisakārakaṃ accenti nimbasūlasmiṃ tasmiṃ me saṅkate mano.

[545] Saṅkeyya saṅkitabbāni rakkheyyānāgataṃ bhayaṃ anāgatabhayā dhīro ubho loke avekkhatīti. Pucimandajātakaṃ paṭhamaṃ.