[550] Yo te hatthe ca pāde ca kaṇṇanāsañca chedayi tassa kujjha mahāvīra mā raṭṭhaṃ vinassa idaṃ.

[551] Yo me hatthe ca pāde ca kaṇṇanāsañca chedayi ciraṃ jīvatu so rājā nahi kujjhanti mādisā.

[552] Ahu atītamaddhāne samaṇo khantidīpano taṃ khantiyāyeva ṭhitaṃ kāsirājā achedayi.

[553] Tassa kammapharusassa vipāko kaṭuko ahu yaṃ kāsirājā vedesi nirayamhi samappitoti. Khantivādijātakaṃ tatiyaṃ.