[582] Manussasseva te sīsaṃ hatthapādā ca vānara atha kena nu vaṇṇena agārante na vijjati.

[583] Manussasseva me sīsaṃ hatthapādā ca siṅgila yāhu seṭṭhā manussesu sā me paññā na vijjati.

[584] Anavaṭṭhitacittassa lahucittassa dubbhino niccaṃ addhuvasīlassa sukhabhāvo na vijjati.

[585] So karassu ānubhāvaṃ vītivattassu sīliyaṃ sītavātaparittāṇaṃ karassu kuṭikaṃ kapīti. Kuṭidūsakajātakaṃ paṭhamaṃ.