[594] Kalyāṇarūpo vatāyaṃ catuppado subhaddako ceva supesalo ca yo brāhmaṇaṃ jātimantūpapannaṃ apacāyati meṇḍavaro yasassī.

[595] Mā brāhmaṇa ittaradassanena vissāsamāpajji catuppadassa daḷhappahāraṃ abhikattukāmo avasakkati dassati suppahāraṃ.

[596] Uruṭṭhī bhaggā patito khāribhāro sabbaṃ bhaṇḍaṃ brāhmaṇasseva bhinnaṃ ubhopi bāhā paggayheva kandati abhidhāvataṃ haññati brahmacāriṃ .

[597] Evaṃ so nihato seti yo apūjaṃ pasaṃsati yathāhamajja pahato hato meṇḍena dummatīti. Cammasāṭakajātakaṃ catutthaṃ. ----------