[732] Vandāmi taṃ kuñjaraṃ saṭṭhihāyanaṃ āraññakaṃ yūthapatiṃ yasassiṃ pakkhehi taṃ pañjalikaṃ karomi mā me vadhi puttake dubbalāya.

[733] Vandāmi taṃ kuñjaraṃ ekacāriṃ āraññakaṃ pabbatasānugocaraṃ pakkhehi taṃ pañjalikaṃ karomi Mā me vadhi puttake dubbalāya.

[734] Vadhissāmi te laṭukike puttakāni kiṃ me tvaṃ kāhasi dubbalāsi satasahassānipi tādisīnaṃ vāmena pādena pappothayeyyaṃ .

[735] Naheva sabbattha balena kiccaṃ balaṃ hi bālassa vadhāya hoti karissāmi te nāgarāja anatthaṃ yo me vadhi puttake dubbalāya.