[818] Sabbaṃ bhaṇḍaṃ samādāya pāraṃ tiṇṇosi brāhmaṇa paccāgaccha lahuṃ khippaṃ mampi tārehidāni bho .

[819] Asanthutaṃ maṃ cirasanthutena nimini bhotī adhuvaṃ dhuvena mayāpi bhotī nimineyya aññaṃ ito ahaṃ dūrataraṃ gamissaṃ.

[820] Kāyaṃ eḷagaṇigumbe karoti ahuhāsiyaṃ nayidha naccaṃ vā gītaṃ vā tālaṃ vā susamāhitaṃ anamhikāle sussoṇi kinnu jagghasi sobhane.

[821] Sigāla bāla dummedha appapaññosi jambuka Jinno macchañca pesiñca kapaṇo viya jhāyasi.